Transcription
1
Monsieur, par le laquay de madame la contesse de Grignan, ay receu votre
2
despeche avec grand contentement et en rendz grâces à Notre Seigneur de ce
3
qu’estes toutz en bonne santé et luy prye de bien bon cœur vous y
4
tenir toutz longuement, que sont les mellieures novelles que me
5
porroyent advenir. Nous en sommes de mesme par sa grâce. Monsieur
6d’Apt n’a [barré : despuis ] heu point de quolique despuis quon vous
7
en avoyt escript d’Apt. Il est tousiours aux champs à quatre
8
heures pour prendre le frecz et se retire entre six et sept.
9
Il dict toutes les sebmaines trois foys messe. Je vous laisse penser quel
10
contentement je y recep[v]oys, Dieu me doint grâce de bien le
11
recongnoistre. Nous faisons toutz deux ici notre petit mesnage. Il
12
va voyr toutes les sebmaines monsieur de Cabans. Jay sperence en Dieu
13
quil sera bien tost gueri. Je nay volleu permettre que ma fille, votre
14
seur, le laisse tant quil gardera la chambre, car il est impossible quil ne
15
se fache bien fort. Au reste, je suis estée bien fort aise de lappoyntement
16
qu’avés faict avec messieurs d’Huriage. Jay sperence en Dieu que de
17
tout vous en sortirés et serois bien d’avist qu’en feriés aultant
18
avec monsieur de Chaptes et le plus tost seroyt le mellieur.
19
Touchant laffaire de Cabanes, monsieur le president de Fuveau
20
ne ma point encores faict de responce à ma dernyère lettre.
21
Il est vray que madame la presidente men a escript deux fois. Je pence
22
vous en avoyr mandé lettre. Je vous puys asuré que je ay puls
23
danvye de partege [se]que dacyete, je panse le vous avoyr
24escryt. Je ay vu [barré : que ] se que vous escryt le roy. Me samble
25
devyés fère saysyre la paye que yl dyt et le reste coryra
26
cant il pelra à Dyeu. Faut que Laval soyt puls
27
ymportun que vous. Je panse que le rantyer de
28
Chabryère paiera à la Madalène porcheine. Me samble
29
devés fère saysire seux d’Aurange. Je nay point heu le
30
Paquet que mandés de monsieur le commandeur de La Roche
31
[v°] que sa dreset à ma fylhe an n’Avynon. Je prye Dieu
32
que vous doint sa grasa, ansamble longue é contante
33
vye. Je me recommande de byen bon cuer à la vostre et de
34
Madame de Gordes é luy prye qu’elle bèse vous petys
35aufans pour la [barré : morde ] mour de moy. Je me recommande
36
à ma damoyselle de Monery
37
Vostre mère
38
Pierre de Ponteves
39